Jóhan og Flensburg gull í European League

Jóhan á Plógv Hansen og Flensburg-Handewitt vunnu European League annað árið á rað við 32-25 sigri á Montpellier. 

Føroyski vongurin skeyt eitt mál í finaluni ímóti fraklendingunum, sum var í Hamburg í dag.

Elias Ellefsen á Skipagøtu mátti taka til takkar við bronsuni, men føroyski spælskiparin hjá Kiel vísti stórspæl í sigrinum á Melsungen.

Bakspælarin skeyt níggju mál og legði upp til fimm í 37-31 sigrinum. Okkurt mál var framúr.