Í starvi hjá TikTok í Barcelona

Tað byrjaði við at eg var á námsferð í Barcelona, tá eg gekk í 3. g á Glasi, og eg gjørdist beinanvegin forelskað í býnum, sigur Rakul, sum leggur afturat, at hon síðani hevur havt ein dreym um at búð í Barcelona.

Eftir lokna studentaútbúgving í fjør, hevði Rakul hug til at royna okkurt nýtt, og í januar fór hon at leita eftir einum starvi í Barcelona, og tað gjørdist hjá einum undirveitari hjá TikTok, har ið hon  arbeiður við danska TikTok partinum.

Rakul Lamhauge og Durita Vilhelm (stemningsmynd í Barcelona).jpg

Rakul Lamhauge og vinkonan, Durita Vilhelm, í sera hugnaligum umhvørvi í Barcelona

Gamli býarparturin er hugnaligari

Fyrst búðu hon og vinkonan, Durita Vilhelm, í einari nýmótans íbúð, men tær valdu at flyta í tann gamla býarpartin, ið er munandi trengri, samstundis sum hesin parturin av Barcelona er sera hugnaligur.

Barcelona er ein sera spennandi býur at ferðast í, og í samrøðuni nevnur Rakul nøkur góð ferðamál, um tú ætlar tær eina ferð til Barcelona.

Í samrøðuni sigur Rakul okkum eitt nú um starvið hjá TikTok, um hví hon fór í hetta starvið, og hvussu tað er at arbeiða og búgva í Barcelona.

Tú kanst hoyra samrøðuna við Rakul Lamhauge her: