Mixed Zone-poddurin: Føroyar – Gibraltar 2-1

Kringvarpið tók saman um sigurin á Gibraltar í Mixed Zone. Hjálparvenjarin á manslandsliðnum, Atli Gregersen, ásannaði at tað var ein lætti at fáa sigurin í hús til endans. Hann tosaði eisini um tankarnar hjá venjaratoyminum gjøgnum dystin.

Jóannes Kalsø Danielsen fekk ein avgerandi leiklut í sigursmálinum. Tað var høgri bakkurin úr KÍ, sum átti innleggið til Patrik Johannesen, ið skoraði sigursmálið. Framrættaði høgri bakkurin fekk nógv pláss og var íblandaður nógvum í dystinum. Bárður á Reynatrøð setti orð á sigurin og hvussu hann upplivdi málið hjá Gibraltar, umframt støðuna hjá Víkingi í heimligu kappingini.

Í sjónvarpssamrøðu tók Rasmus Nolsøe saman um sigurin. Ein góð ímynd av avrikinum er, at Rasmus Nolsøe ikki megnaði at velja ein dagsis spælara. Talan var í nógvar mátar um eitt liðavrik.

Føroyar vunnu 2-1 á Gibraltar. Árni Frederiksberg og Patrik Johannesen skoraði málini fyri Føroyar.