Fær ikki fólk at tulka

(Dagført)

Í langa tíð hevur Almannaverkið søkt eftir einum teknmálstulki, afturat teimum tveimum teknmálstulkunum, sum eru í føstum starvi hjá Almannaverkinum. Men eingin hevur søkt. 

Almannaverkið lýsti nakrar ferðir eftir fólki, men uttan úrslit. 

Í fíggjarlógini fyri 2025 eru sostatt 400.000 kr. til starvið strikaðar á fíggjarlógini. 

Sparingin ávirkar sostatt ikki tænstuna.

Tað sigur Eirikur í Jákupsstovu, landsstýrismaður í almannmálum.

Hann hevur svarað Helga Abrahamsen, løgtingsmanni, sum spurdi um støðuna hjá deyvum og teimum, sum hoyra illa.

Landsstýrismaðurin sigur, at síðani teknmál var viðurkent sum móðurmál í 2017, hava vit fingið eina teknmálsorðabók.

Og 785.000 kr. eru til at teksta sendingar og teknmálstulka tíðindasendingar og aðrar føroyskar sendingar hjá sjónvarpinum hjá Kringvarpinum.

Landsstýrismaðurin sigur eisini, at yvirskipað eru tænasturnar á almannaøkinum til fólk, sum eru deyv ella hoyra illa, øktar, síðani deildin fyri samskiftismenning í almannaverkinum kom í 2023.