1.194 bjargað frá menniskjahandli

Eitt stórt átak hjá Europol hevur bjargað 1.194 fólkum undan menniskjahandli. 158 fólk eru handikin undir illgruna fyri at fáast við menniskjahandil.

Harumframt hevur Europol eyðmerkt onnur 205, sum eisini eru undir illgruna fyri at fáast við menniskjahandil.

Hetta kunnger Europol á heimasíðu sínari í dag.

Heimsumfevnandi átakið snúði seg um menniskjahandil, sum hevur til endamáls at brúka fólk til seksuellar tænastur, tvingilsbrotsverk og biddaragongd. Serligur dentur var lagdur á offur undir 18 ár.

Átakið vardi frá 1. til 6. juni, og tað vóru løgreglurnar í Eysturríki og Romenia, ið høvdu leiðsluna av átakinum. Danska løgreglan var eisini við.