Senda hægst tvey starvsfólk á Heilsuskúla

Í løtuni samráðist við fakfeløgini hjá Heilsuhjálparum, Heilsurøktarum og námsfrøðihjálparum, um hvussu heimatæanstan í hansara kommunu ætlar at brúka skipanina við løn undir útbúgving, tá samráðingarnarn bera á mál. 

Løgtingið hevur samtykt eina lóg, sum gevur hesum starvsbólkum møguleika at at fáa útbúgving við løn - væl at merkja, um tey hava ein sáttmála við ein arbeiðsgevara, sum í hesum førinum er kommunurnar. 

Heilsuskúlin hevur metnógvar umsóknir í ár, men í Eysturkommunu fara tey ikki at taka ein og hvønn av gøtuni, sigur Per Martin Gregersen.

Hóast løgtingið hevur samtykt at heilsuhjálparar, røktarar og námsfrøðihjálparar kunnu fáa útbúgving við løn, er ikki avgjørt hvat lønin skal vera. Tað er latið upp í hendurnar á kommununum og fakfeløgunum at finna út av.

Tað vísir seg at vera lættari sagt enn gjørt - og nú skúlin byrjar um hálva aðru viku er eingin semja um løn. Samráðingnarnar millum avvarandi fakfeløgini og Kommunala Arbeiðsgevarafelagi hevur ligið stilt í summarferiuni og verður væntandi tikið upp aftur í næstum.

Sambært lógini fáa kommunurnar upp til 80 prosent aftur frá landindum, sum tær rinda í løn til starvsfólk undir útbúgving.