- Tíðindi, mentan og ítróttur
Landsbankin: Búskapurin má vaksa
<div>Alt gott um javnvág á fíggjarlógini. Men politikarar noyðast eisini at koma við tiltøkum, sum fáa búskapin at vaksa, ikki bara í morgin, men í allari framtíð. Slíkur vøkstur kemur av broyttum fiskivinnupolitikki og fakliga mettum almennum íløgum.</div><div><br></div><div>Hetta eru teir báðir nærliggjandi vakstrarmøguleikarnir, sum Landsbankin sipar til í yvirskriftini í nýggjastu búskaparmetingini.</div><div><br></div><div>Um fiskivinnuna sigur Landsbankin, at fiskastovnarnir mugu brúkast skilabetur enn nú. Stovnsrøktin er ikki nóg góð. Og verulig kapping má vera um fiskin. Enn er langt á mál hesum viðvíkjandi, sigur Landsbankin.</div><div><br></div><div><b>Politiska stýringin onnur fyrilit</b></div><div><br></div><div>Stríðið millum skipabólkarnar um býtið av makrelveiðuni er dømi um, at politiska stýringin tekur onnur fyrilit enn tey, sum skapa ta mest produktivu vinnuna, sigur Landsbankin. </div><div><br></div><div>Landsbankin sigur eisini, at áðrenn landið ger íløgur, eigur íløgan at verða fakliga mett fyri at vita, hvussu nógv hon kastar av sær fyri alt landið í framtíðini. Tað er ikki nóg mikið bara at hugsa um, at íløgan skapar arbeiði, meðan hon verður framd. </div><div><br></div><div>Landsbankin sigur, at fólkaræðislig fyrilit viga meira enn týdningurin at styrkja búskapin, tá íløgur verða samtyktar. Landsbankin sigur, at hesir møguleikar at fáa búskapin at vaksa, eru so avgerandi, at teir kunnu eisini fáa fólkatalið í Føroyum at vaksa. </div><div><br></div><div>Um eina viku legggur <b>Búskaparráðið</b> fram sína seinnu frágreiðing í ár. </div><div><br></div><div> </div>
