Fríkendur í Føroya rætti - dømdur í landsrættinum

Landsrætturin dømdi í dag ein føroying í 40’unum eitt ár og tríggjar mánaða treytaleysa fongsulsrevsing fyri smugling av rúsevnum. Maðurin var fríkendur í Føroya rætti í fjør, upplýsir Føroya Politi.

Ákæruvaldið skeyt dómin inn fyri landsrættin.

Maðurin var ákærdur fyri saman við tveimum øðrum at hava lagt til rættis smugling av 168 grammum av MDMA til Føroya. Maðurin skuldi sambært ákæruni taka ímóti rúsevnunum í Føroyum.

Føroya Rættur metti ikki, at tað var ikki prógvað, at maðurin var partur av smuglingini, og fríkendi hann.

Hini bæði fólkini í málinum vóru dømd ávikavist eitt ár og hálvt annað ára treytaleysa fongsulsrevsing.