Sjey prosent meira í lønum seinasta árið

Sjey prosent meira í lønum vóru goldin í Føroyum frá august í fjør til juli ár, stendur í heystfrágreiðingini hjá Búskaparráðnum. 

Hetta er meira enn undanfarin ár, tá vøksturin var fimm ella seks prosent.

Høvuðsorsakirnar eru stóru lønarhækkingarnar seinastu árini, nakrir starvsbólkar hava fingið lønarlyft, og fleiri fólk arbeiða.

Vøksturin í lønargjaldingunum hjá vinnuni og almennu partafeløgunum var rættiliga stórur í 2022 og 2023, men heldur minni í 2024. 

Men nú í 2025 er aftur vøkstur.

Gongdin hjá tí almenna er ikki heilt tann sama sum hjá tí privata. 

Vøksturin var heldur slakari í 2022 og 2023.

Men hann var níggju og sjey prosent í ávikavist 2024 og 2025.