Ferðafólkatalið á flogvøllinum setur framvegis met

Stjórin í Vága floghavn hevur vónir um, at nýggja farstøðin verður liðug um fimm ár

Ferðafólkatalið í Vágum veksur støðugt.

Mynd: Bjarni Árting Rubeksen

08.09.2025 - 10:24

Ferðafólkatalið á flogvøllinum setur framvegis met, og teir tríggjar summarmánaðirnar, juni, juli og august, eru 184.000 fólk komin og farin um flogvøllin.

Tað er væl meiri summarmánaðirnar undanfarin ár.

Alt árið í fjør komu og fóru 444.000 ferðafólk um flogvøllin, sum var met, og alt bendir á, at nýtt met verður sett í hesum árinum.

Vága floghavn útbygging

Soleiðis er ætlanin, at økið við flogvøllin fer at síggja út, tá alt arbeiðið er liðugt. (Mynd: SMJ)

Ætlanin var, at Vága floghavn skuldi fáa 350 milliónir kr. úr íleggingargrunninum til nýggju farstøðina, men málið var tikið aftur samstundis sum uppskotið um Suðuroyartunnilin var tikið aftur.

Suðuroyartunnilin skuldi eisini fáa 350 milliónir kr. úr íleggingargrunninum.

Regin I. Jakobsen, stjóri í Vága floghavn, sigur seg vóna, at tað fera at bera til at fáa fígging úr íleggingargrunninum sum ætlað, og hann væntar, at nýggja farstøðin, sum verður bygd saman verandi farstøð, kann verða liðug í 2030.

Hoyr innslag í útvarpstíðindunum:

08092025_Vaga_floghavn