Kvinnuhúsið rópar varskó á 35 ára degnum

Í gjár vóru vit errin av, at Kreppumiðstøðin hjá Kvinnuhúsinum fylti 35 ár. 

Men ongin orsøk er at vera errin av umstøðunum, tí hølini eru sambært Eyðvør Tausen Olsen, leiðara í Kvinnuhúsinum, bæði ótíðarhóskandi og niðurslitin. 

Átrokandi tørvur er á dagførdum hølum til harðskapsrakt. 

Tí er Kvinnuhúsið sjálvt farið undir at savna pening til nýggj høli til harðskapsrakt. Brúk er fyri 30 milliónum krónum til nýggju hølini. 

Og tað hevur skund, tí plásstrot er á Kreppumiðstøðini. 

Kvinnuhúsið

Sjónligt slit sæst í hølunum hjá Kreppumiðstøðini.

Kvinnuhúsið

Plásstrot er á Kreppumiðstøðini, og neyðugt er at finna kreativar loysnir í trongu hølunum.

Trý kømur

Trý kømur eru í løtuni, men kømrini eru alt ov trong, og brúk er fyri í øllum førum tveimum kømrum afturat. 

- Vit í Kvinnuhúsinum tosa ofta um, um vit kunnu bjóða kvinnunum hesi hølini, men vit hava ongan annan møguleika. Og uttan Kreppumiðstøðina hava kvinnurnar onga aðrastaðni at fara, sigur Eyðvør Tausen Olsen, leiðari í Kvinnuhúsinum. 

Kvinnurnar og familjurnar hava eisini brúk fyri meira privatlívi, sigur hon.   

Vanligt er, at umleið tvey til trý børn børn eru saman við mammuni.

Umleið 15 kvinnur gista á Kreppumiðstøðini um árið. 

Kvinnuhúsið fær fýra milliónir krónur á fíggjarlógini um árið til raksturin.

Hoyr innslag í útvarpstíðindunum: 

Meiri verður at frætta í Degi og viku í kvøld klokkan 19 og í Breddanum í morgin klokkan 10.