Breddin: Málið um hekkuportrið, sum skuldi tigast burtur

Málið um hekkuportrið á Galaxy er málið um eina møguliga vanlukku, sum skuldi tigast burtur.

Einasta orsøk til, at málið nú verður kannað, er, at ein maður avgjørdi at stíga fram alment og møguliga seta sítt egna starv í vanda. 

Tað var tó um reppið, at tað eydnaðist at forða honum at stíga fram, vísa innlit í málinum, sum Kringvarpið hevur fingið.

Í Breddanum í dag verður spurt, hví tað mundi endað við, at málið um hekkuportrið ikki varð kannað.

Eisini viðgera vit talufrælsið hjá alment settum starvsfólkum. Nær er tað í lagi at nokta starvsfólki, sum starvast hjá tí almenna, at útala seg, ella at varskógva?

Breddin í útvarpinum klokkan 10.