Smyril skal bunkra í Vági

Ætlanin er at Smyril um nakrar vikur skal byrja at bunkra í Vági, í staðin fyri inni á Sundi.

19.08.2012 - 21:10

<div>Gongst sum ætlað skal Smyril byrja at bunkra í Vági í september, skrivar Suðuroyarportalurin.</div><div><br></div><div>Seinastu vikurnar hevur J & K Petersen arbeitt við at gera atløgubryggjuna á sunnara landi í Vági soleiðis, at skip kunnu leggja at og bunkra tungolju. Poul Augustinussen, formaður í Havnanevndini hjá Vágs kommunu, sigur við Suðuroyarportalin, at arbeiðið gongur sum ætlað, og verður liðugt 1. september.</div><div><br></div><div>Ein 5 ára avtala er gjørd við Strandferðsluna um bunkring hjá Smyrli, sum kann longjast, tá skeiðið er runnið.</div><div>Eftir ætlan fáa onnur skip eisini møguleika fyri at bunkra  tungolju í Vági. </div><div><br></div><div>- Havnin er gjørd soleiðis, at Smyril og skip av teirri støddini, kunnu liggja við nýggju atløgubryggjuna í øllum veðri, sigur Poul Augustinussen, sambært Suðuroyarportalinum.</div>