HM-stroyming: Mótstøðuliðini hjá Føroyum hittast

Tað er í kvøld klokkan 19.30, at føroysku hondbóltskvinnurnar seta hol á HM-endaspælið í Týsklandi og Hollandi, men longu klokkan 17 verður fyrsti dysturin í bólkinum

Føroyar spæla í kvøld klokkan 19.30 móti Montenegro í einum søguligum dysti fyri føroyskan kvinnuhondbólt. Fyri fyrstu ferð nakrantíð eru vit við í einum HM-endaspælið. Kringvarpið vísur dystirn í sjónvarpinum.

Kringvarpið stroymir 

Føroyar eru í bólki D saman við Montenegro, Spania og Paraguay. Tey bæði síðstnevndu londini, Spania og Paraguay, seta hol á HM-endaspælið í bólki D. Dysturin teirra millum verður klokkan 17. Kringvarpið fer at stroyma dystin.

Hetta eru londini, sum Føroyar skal spæla móti ávikavist fríggjadagin og sunnudagin. Spania er kend hondbóltstjóð, men tað hevur gingið betri hjá monnunum enn hjá kvinnunum. Fyri Paraguay er hetta fyrstu ferð, at liðið hevur vunnið seg til HM-endaspælið tríggjar ferðir upp í slag.

Liðini hava eina ferð fyrr spælt móti hvørjum øðrum. Tað var í 2017, og tá vann Spania 32-15.