Mette Frederiksen undir stórum trýsti innanfloks

Fleiri sosialdemokratiskir býráðslimir vilja hava, at hon leggur frá sær sum forkvinna í danska Javnaðarflokkinum

Nógvir sosialdemokratiskir býráðslimir í Danmark vilja hava Mette Frederiksen at leggja frá sær sum forkvinna í Javnaðarflokkinum.

Mynd: Emil Nicolai Helms/Ritzau Scanpix

Jógvan Andrias Skeel Nolsøe

28.11.2025 - 09:28

Danski forsætisráðharrin, Mette Frederiksen, er komin undir trýst í sínum egna flokki eftir vánaliga kommunuvalið í síðstu viku.

Fleiri sosialdemokratiskir býráðslimir vilja nú hava, at hon leggur frá sær sum forkvinna í danska Javnaðarflokkinum.

Í spurnakanning, sum DR hevur gjørt av sitandi býráðslimum hjá danska javnaðarlfokkinum, siga 41, at teir halda ikki, at Mette Frederiksen kann venda gongdini til næsta fólkatingsval, 130 býráðslimir halda, at hon er tann rætta at venda gongdini, og 62 vilja ikki svara, ella vita ikki.

Atfinningarnar koma eftir tvey vánalig val hjá danska Javnaðarflokkinum. Valið til ES-tingið í fjør, sum var tað vánaligasta higartil, og kommunuvalið í síðstu viku, har flokkurin hevði afturgongd í 87 av 98 kommunum.

Hoyr innslag her:

28112025_Mette_undir_trysti