Óvist um prísurin lækkar samsvarandi

Uppskotið at strika meirvirðisgjaldið á ávísum gerandisvørum, so sum epli, grønmeti og blæum, var samtykt við atkvøðunum hjá samgonguni við aðru viðgerð hósdagin. 

Andstøðan, sum atkvøddi ímóti uppskotinum, heldur uppskotið venda sosialt skeivt og vil heldur hækka barnafrádráttin.

Og Kappingareftirlitið ávarar um, at tað er eingin trygd fyri, at epli, grønmeti og barnablæur gerast bíligari eftir mvg-frítøkuna. Orsøk til tað er, at vit hava ikki fullkomna kapping í Føroyum, sigur Terje Sigurðsson, stjóri í Kappingareftirlitinum, sum hevur tosað við fíggjarnevndinina um málið.

Uppskotið skal til 3. viðgerð týsdagin.

Trýst á pílin niðanfyri og hoyr alt innslagið við Terja Sigurðsson, stjóra í Kappingareftirlitinum.