Landsverk: MT Højgaard og Faerport-2 skulu gjalda

H-bygningurin á Landssjúkrahúsinum lekur so illa, at tað fer at kosta 33 milliónir krónur at tetta og umvæla skaðar av lekunum. Arbeiðið er byrjað, men verður neyvan liðugt fyrr enn seint í 2026.

Løgtingið er biðið um at játta pengarnar, lógaruppskotið hevur verið 1. viðgerð og liggur nú í fíggjarnevndini.

Sigurð Ó. Vang, leiðari á verkætlanardeildini hjá Landsverki staðfestir, at stórt umvælingararbeiðið má gerast. Men rokningin fyri arbeiðið verður send víðari til høvuðsarbeiðstakaran og heildarráðgevan. Gerðarættarmálið er ikki liðugt fyrireikað, men Sigurð Ó. Vang roknar við, at Landsverk fer at krevja stórt sæð alt aftur, sum umvælingin kostar.

Høvuðsarbeiðstakarin er fyritøkan MT Højgaard. Heildarráðgevi, sum bæði projekteraði og hevði fakliga eftirlitið við arbeiðnum, er "Faerport 2". Tað er eitt íognarfelag, eitt samstarv, millum Selmar Nielsen arkitekt, SMJ verkfrøðingar og LBF (Landsbyggifelagið).

Við nýggjastu eykajáttanini kemur sjálvur H-bygningurin at kosta umleið 720 milliónir krónur. Og taka vit so samanbyggingina við restina av landssjúkrahúsinum uppí, umframt kjallaran og isolatiónsstovurnar, so verður kostnaðurin 840 milliónir krónur.

Hoyr innslag her: