Fer at kanna lívskor í Føroyum

Kanningin, sum nú fyrstu ferð verður gjørd í Føroyum, verður annars gjørd í næstan øllum evropeiskum londum. Henda kanningin skal geva Hagstovuni og øðrum upplýsingar um, hvussu føroyingar sjálvir halda, at teir hava tað. Kanningin er stór, tí hon verður send til umleið 6.000 húsarhald í landinum, og skal fylla tey stóru hagtalsligu holini, sum eru um eitt nú fátækraváða og ójavna.

Tá kanningin nú eisini verður gjørd í Føroyum, so fer at bera til at samanbera lívskor í Føroyum við, hvussu umstøðurnar eru í øðrum londum, har sama kanning eisini verður gjørd.

Lív Højsted Horsdal, hagfrøðingur á Hagstovu Føroya sigur, at tað verður spurt um alt frá bústaðarviðurskiftum, útbúgving, arbeiði, inntøku, heilsu og trivnað. T.d. verður spurt, um fólk hava ráð til heitan døgurða, at hita húsini nøktandi, um fólk hava ráð til at vera við í frítíðarvirksemi, og um fólk hava ráð til at gjald fyri óvæntaðar útreiðslur.

Hagtøl um sosial viðurskifti

Hagstovan hevur í nógv ár framleitt hagtøl um inntøkubýti í Føroyum, t.d. gini-talið og fátækraváða. Fátækraváði sigur nakað um, hvussu fólk við lágari inntøku megna at fylgja gongdini í samfelagnum annars.

Henda nýggja kanningin kann geva eitt nógv størri innlit í lívskorini hjá føroyingum, hvussu føroyingar uppliva gerandisdagin. Um fólk fáa endarnar at røkka saman.

Kanningin fer út til 6000 húski, sum er fjórða hvørt húski í Føroyum.

Hoyr alla samrøðuna við at trýsta á pílin niðanfyri.