Feðgar drupu jødar á avstralskari strond

Menninir báðir, sum skutu og drupu sivilfólk á Bondi Beach nærindis Sydney í Avstralia í gjár, vóru 50 og 24 ára gamlir. Teir eru pápi og sonur.

Tað boðaði avstralska løgreglan í New South Wales frá á tíðindafundi í morgun.

Løgreglan sigur eisini, at leitað verður ikki eftir fleiri gerningsmonnum.

Bondi Beach

(Mynd: Hollie Adams/Reuters/Ritzau Scanpix)

Tilsamans 16 fólk lótu lív, teirra millum annar gerningsmaðurin. 

Umleið 40 fólk fingu skaða.

Offrini eru millum 10 og 87 ára gomul.

Tað var seinnapartin í gjár lokala tíð, at tveir menn fóru at skjóta eftir einarri mannamúgvu á sandinum á Bondi Beach, har fleiri hundrað fólk vóru komin saman at hátíðarhalda fyrsta dagin í Hanukkah, sum er ljóshátíð, ið jødar halda.