Meira enn sjey tímar um tunnil

Klokkan tíggju minuttir í níggju í gjárkvøldið var løgtingið liðugt at viðgera Suðuroyartunnilin.

Tá hevði viðgerðin verið í stívar sjey tímar.

Uppskotið er nú í fíggjarnevndini. Haðani skal álit koma í seinasta lagi 14. januar, sambært heimasíðu løgtingsins.

Fyrrapartin fer løgtingið undir eitt annað stórt mál.

Tað er fíggjarlógin fyri 2026, onnur viðgerð.

Tingfundurin byrjar kl.10.00.