Hølisumstøðurnar hjá Kvinnuhúsinum batna munandi

- Vit fáa nógv betri høli til virksemið hjá okkum, sigur Eva Bennicke, forkvinna í Kvinnuhúsgrunninum, sum hevur keypt Argja kirkju.

Yvirtøkan verður 1. januar 2028.

Kirkjan á Argjum er meira enn 500 fermetrar til støddar, liggur væl fyri, og góðir møguleikar verða at menna virksemið frameftir.

Seinastu mánaðirnar hevur nevndin í Kvinnuhúsgrunninum, í samstarvi við Argja kirkjuráð, arbeitt miðvíst við eini avtalu.

Kvinnuhúsið, KFUM, mynd: BR

Frítekst tagging: 

Kvinnuhúsið

KFUM

mynd: BR

Kvinnuhúsið hevur hildið til í bygninginum hjá KFUM í Havn øll árini, men hølisviðurskiftini eru ikki tíðarhóskandi longur. (Mynd: Bjarni Árting Rubeksen)

Bygningurin er ikki klárur at taka í nýtslu, tá kirkjan flytur út, og neyðugt verður við stórari umbygging. 

Betri-samtakið hevur latið fimm milliónir krónur í stuðli til umbyggingina, og Kvinnuhúsgrunnurin fer at arbeiða víðari við at útvega fígging og søkja um stuðul til verkætlanina.

Einki verður upplýst um keypsprísin.

Hoyr innslag í útvarpstíðindunum: 

Einki ritual er fyri at 'avvíga' eina kirkju, men tá ið kirkjan verður tikin úr nýtslu, kann tað staðfestast við gudstænastu, har bispur er við, og tá verða lutir bornir út, sum súmbolisera gudstænastuliga virksemið, t,d, doypifuntur, altarsilvur, altartalva, orgul, prædikustólur og kirkjuklokkan - lutir, sum vóru bornir inn í kirkjuna, tá ið hon í síni tíð var vígd. 

Til ber eisini at tinglýsa serliga krøv í sambandi við søluna fyri, hvat húsið kann brúkast til, sigur Jákup Reinert Hansen, lektari í kirkjusøgu.