- Tíðindi, mentan og ítróttur
Færri lomvigur í Grønlandi
Færri lomvigur í Grønlandi
Vanliga ber til at keypa lomvigur í hópa tali hesa ársins tíð. Men í ár heldur lomvigan til longri úti á havinum, skrivar Sermitsiak
![](https://kvf.fo/sites/default/files/styles/grein-ovasta-mynd/public/appat_kalaaliaraq_nutaanngitsoq_2085.jpg?itok=ExTTMKzf)
Mynd av lomvigum á brettinum, Kalaaliaraq, í Nuuk
10.12.2013 - 11:44
Í llulissat í Grønland er vanliga ovmikið av lomvig til keyps niðri á Brettinum, Kalaaliaraq. Men so er ikki í ár.
Tað eru ikki færri lomvigur, men tær eru longri úti á havinum nú enn fyrr, sigur formaðurin fyri fiski- og veiðimansfelagið NAPP, Johannes Heilmann, við Sermitsiaq.ag.
Í Grønlandi er loyvt at skjóta lomvigu frá 15. oktober, og nú tveir mánaðir seinni, eru bara fáar lomvigur at síggja nærindis Nuuk.
Fylgja føðini
- Tað er náttúran, ið avgerð tað, og lomvigan fylgir føðini, sum í ár er langt úti á havinum, í mun til fyrr. Og siglir tú nóg leingi, renur tú teg í nógva lomvigu, sigur Johannes Heilmann.
Lívfrøðingar meta, at lomvigan er um at verða avoydd, og hava mælt til, at hon verður friðað.
Nýggjastu sendingar í ÚV
Nýggjastu sendingar í SV