Landasorg í Sveis í fimm dagar

Sveisiski forsetin, Guy Parmelin, hevur lýst fimm daga landasorg, eftir at umleið 40 fólk doyðu og 115 vóru særd, tá eldur kom í eitt skeinkistað í skístaðnum Crans-Montana í sveisisku alpunum.

Parmelin sigur vanlukkuna vera eina av teimum ringastum í søgu landsins.

- Tað var ein sorgarleikur, sum vit ikki vita um áður,  segði forsetin sambært bretska miðlinum The Guardian.

Eldur kom í barrina Le Constellation klokkan hálvgum tvey nýggjársnátt. Men enn er ikki staðfest, hví eldur kom í.

Sjónarváttar siga sambært The Guardian, at eldurin kyknaði av stjørnukastarum í sjampanjufløskum.

Fleiri hundrað fólk vóru til minningarløtu á staðnum í gjárkvøldið. Tey løgdu blómur og tendraðu ljós.