Sannførdur um at fiskivinnusamstarvið við Ísland heldur fram

Formaðurin í Reiðarafelagnum er sannførdur um, at fiskivinnusamstarvið millum Føroyar og Ísland heldur fram.

- Eg veit ikki, hvussu roknistykkið fer at síggja út, men ein avtala verður gjørd, sigur Hanus Hansen, nú nýggja fiskivinnuavtalan bara er galdandi til 1. august.

Í fiskiveiðiavtaluni millum Føroyar og Ísland, sum var undirskrivað týsdagin, binda londini seg til at fara undir samráðingar um avtalu fyri 2027 beinanvegin. 

Í hesum liggur, at tá 2027-avtalan er gjørd, verður avtalan fyri í ár longd, frá 1. august og árið út.

Hóast óvissur er, er Hanus Hansen tryggur við støðuna. 

Hoyr innslag í útvarpstíðindunum: 

Sí eisini: Nótaskip: Avtalan skapar óvissu um sildafiskiskapin í heyst