Sildarok í Fuglafirði

Uppsjóvarvirkið Pelagos hevur úr at gera, nú seinastu sildalastirnar koma til høldar.

Higartil í ár hevur virkið tikið ímóti knøppum 7.000 tonsum av sild.

- Seinastu fimm dagarnir hava vit arbeitt út í eitt við sild, sigur Fríðin Ziskason, virkisleiðari á Pelagos.

Uppsjóvarskipið Høgaberg, sum er millum uppsjóvarskipini, sum í hesum døgum fáa seinastu sildalastinar til høldar, landaði í dag.

- Vit hava landað eini 2.640 tons av sild, sigur Høgni Hansen, skipari á Høgabergi.