Dreymurin um bóndalívið

Yngra ættarliðið á Varmakeldugarðinum í Gøtudali ger seg til reiðar at festa garðin í framtíðini.

Brynhild Janusardóttir, dóttir festaran, hevur nevniliga ætlanir um at festa garðin einaferð saman við sjeikinum, Dánjali Jóhann Hansen.

Tey bæði eru á landbúnaðarskúla í Gråsten í Danmark, har tey læra til neytabónda.

Dreymurin hjá teimum var at hava starvsvenjingina í Føroyum, heldur enn í Danmark, sum annars er vanligt.

- Tað er so stórur munur millum føroyska og danska landbúnaðin, sigur Brynhild Janusardóttir.

Og fyri góðum tveimum vikum síðani byrjaði unga parið, Brynhild Janusardóttir og Dánjal Jóhann Hansen, sína starvsvenjing á garðinum, sum higartil er einasti føroyski bóndagarðurin, ið er góðkendur til starvsvenjing.