Ruth Vang um landsvegin við Streymin: Okkurt má gerast

- Tað er greitt fyri øllum, at vergastrekkið á landsvegnum við Streymin er eitt sera keðiligt strekki, og at har má okkurt gerast.

Tað sigur Ruth Vang, landsstýriskvinna í fíggjarmálum, sum nú fer at raðfesta at fáa Landsverki játtan til at syrgja fyri, at trygdin verður í lagi við Streymin.

Ferðslutrygdin við Streymin má betrast

Einn eitt ferðsluóhapp fekk ígjár Eyðstein Zachariasen, borgarstjóra í Suna Kommunu at rópa varskó. Í nógv ár hevur verið gjørt vart við trupulleikan, men einki hevur verið gjørt, segði hann við Dag og viku í gjárkvøldið.

Tað er Landsverk, sum varðar av landsvegastrekkinum við Streymin, og Dan Sofus Hofgaard, deildarleiðari á Landsverki, segði í Degi og viku, at játtanin røkkur ikki til at gera vegin tryggan.

Ruth Vang, landsstýriskvinna, sum varðar av Landsverki, lovar, at nú skal okkurt henda.

Hoyr samrøðu við Ruth Vang her: