Vandamiklar brúsitablettir

Orsøkin er, at bretsk gransking vísir, at alt ov nógv salt er í tablettunum, tí eru tær sera vandamiklar fyri heilsuna, og vandin fyri at blóðtrýstið hækkar og samstundis økist vandin fyri at fáa blóðtøpp.

Almenna tilmælið sigur, at fólk ikki mugu fáa meir enn 6 gram av salti um dagin, svarandi til eina teskeið.

Tey allarflestu eta meir enn tað, og koma so brúsitablettirnar aftrat, økist vandin fyri at fáa blóðtøpp munandi, sigur Hjartafelagið.

Vandin sjeyfaldast

Í Danmark vórðu seldir 21,5 milliónir samdøgursskamtir av brúsutablettum í fjør, og tað vísir at talan er um vanligan heilivág í flestu heimum.

Bretska kanningin vísir, at um fólk javnan nýta brúsutablettirnar, so sjeyfaldast vandin fyri høgum blóðtrýsti, og vandin fyri at doyggja tíðliga, er ein triðing hægri enn hjá fólkum sum nýta annan pínustillandi heilivág.

Tí mælir danska Hjartafelagið fólki frá at nýta brústablettir sum pínustillandi heilivág, og heldur nýta vanligar tablettir. Og Hjartafelagið vil hava myndugleikarnar at krevja av teimum sum gera brúsutablettirnar, at innihaldið av salti sæst týðuliga á pakkanum.