Verandi festiskipan má broytast

Skal landbúnaðurin mennast, so má verandi festiskipan broytast. Skipanin avmarkar í alt ov stóran mun ræðisrættin hjá bóndunum til jørðina. 

Tað er greiða fatanin hjá stóru, borgarligu flokkunum á løgtingi.

Fólkaflokkurin vil fara so langt sum at einskilja almennu landsjørðina, meðan Sambandsflokkurin vil hava eina uppgerð við verandi festiskipan. Tað kom fram á Búnaðarstevnuni í Klaksvík í gjár.

Jacob Vestergaard, løgtingsmaður fyri Fólkaflokkin og fyrrverandi landsstýrismaður í landbúnaðarmálum, hevur leingi verið sannførdur um, at besta loysnin er at einskilja landsjørðina:

Erhard Joensen, løgtingsmaður fyri Sambandsflokkin og formaður í Vinnunevndini, vil hava eina uppgerð við verandi festiskipan:

Eirikur í Jákupsstovu, landsstýrismaður við landbúnaðarmálum, heldur at nýggi landbúnaðarpolitikkurin gevur vinnuni møguleika at mennast. Landsstýrismaðurin sigur seg skilja ynskið um fult ræði á festinum - men ein millumloysn má kunna finnast, heldur landsstýrismaðurin:

Umboðið fyri fjórða av stóru flokkunum, Javnaðarflokkin, hevði forfall og var tí ikki við í politiska kjakinum á Búnaðarstevnuni í Klaksvík í gjár.

Norðlýsið stroymdi fundin, og til ber at hoyra alt politiska kjakið um landbúnaðin á heimasíðuni hjá Norðlýsinum.