Landsstýriskvinnan vil hava Ph.D-verkætlan um endometriosu

Ein Ph.D-verkætlan um endometriosu, sum er undirlívssjúka hjá kvinnum, eigur at verða gjørd.

Ein slík verkætlan, sum tekur trý ár, kostar 2,1 mió. kr. umframt ávísar útreiðslur til at útinna verkætlanina. 

Kommunulæknarnir viðgera kvinnur, tá illgruni er um endometriosu.  

Er talan um pínustøðu, har viðgerðin hjá kommunulækna ikki hevur nøktandi ávirkan, vísir kommunulæknin til viðgerð hjá serlækna í kvinnusjúkum í Sjúkrahúsverkinum.

Áhaldandi verður arbeitt við at samskipa og betra tænastuna í primera geiranum.

Í løtuni er tó eingin ætlan um at samskipa geiran ítøkiliga til at veita hjálp til teirra, sum hava endometriosu.

Tað sigur Margit Stórá, landsstýriskvinna, í svari til Honnu Jensen, løgtingskvinnu.

Hanna Jensen heldur, at meira eigur at vera gjørt fyri kvinnur í Føroyum, sum hava endometriosu.

Tað verður gjørt í Danmark, sigur hon.

Les alt svarið her.