Háspenningslinjur dotnar niður á ringvegin í Havn

Norðari Ringvegur í Havn er afturlatin fyri allari ferðslu, eftir at háspenningslinjurnar duttu niður á vegin stutt fyri klokkan seks í kvøld.

Í løtuni eru løgregla og bjargingar- og sløkkiliðsfólk á staðnum. Enn er ikki greitt, nær vegurin letur upp aftur.

Niðurdotnu háspenningslinjurnar hava eisini við sær, at ein stórur partur av landinum í løtuni hevur mist streymin.

Enn er ikki greitt, nær streymurin kemur aftur, sigur Finn Jakobsen, deildarstjóri fyri tøkni hjá SEV, við Kringvarpið.