Átta mans við Jákupi B hava longu valt

Átta mans við línubátinum Jákupi B hava longu greitt brævatkvøðu til løgtingsvalið.

Skipið fór til fiskiskap nakrar tímar eftir, at løgtingsval var skrivað út mikudagin. 

Tá løgtingsval verður útskrivað, eru tað ikki øll, sum hava møguleika at møta á valstaðnum á valdagin. Men vallógin gevur møguleika at atkvøða við brævi - eisini hjá sjófólki.

Sjófólk og fólk uttanlands kunnu atkvøða upp til fýra mánaðir fyri valdagin.

Hoyr innslag í útvarpstíðindunum:

Brævatkvøður verða latnar upp og kannaðar, áðrenn valið byrjar, og verða síðani lagdar í atkvøðukassan saman við hinum atkvøðunum.