Vágs kommuna hjálpir lesandi at fáa innivist

Fyrst í nýggja árinum flytur Heilsuskúlin úr Skúladeplinum í Hovi í Vágs skúla, har skúlin verður til næsta summar.

Í hesum sambandi bjóðar Vágs Kommuna seg fram at hjálpa lesandi at finna okkurt at búgva í.

Kommunan kunnar á heimasíðu sínari um, at av tí at ein munandi partur av teimum lesandi kemur úr øðrum pørtum av landinum, so vil Vágs kommuna rætta lesandi eina hjálpandi hond at fáa tak yvir høvdið í Vági.

Fleiri sethúsaeigarar, sum leiga út íbúð ella hús, hava longu vent sær til kommuna, og kommunan vil fegin frætta frá øðrum, sum eisini hava áhuga at leiga út.