Hava ikki nøktandi metingaramboð

Hava ikki nøktandi metingaramboð
Johnny í Grótinum, formaður í Búskaparráðnum, svarar atfinningum um, at ráðið metti úrslitið hjá Landskassanum 340 millionir krónur verri í heyst enn nú í vár
Mynd: Bjarni Árting Rubeksen  
 
08.03.2026 - 15:48

Búskaparráðið metti síðsta heyst, at landskassin fór at hava eitt hall á 390 milliónir krónur í 2025. Men nú várfrágreiðingin varð løgd fram, var metingin broytt til eitt hall á 50 milliónir krónur. 

Men hevur Búskaparráðið gjørt ein roknifeil?

Metingin av landskassaúrslitinum
Johnny í Grótinum er formaður í Búskaparráðnum, og hann sigur, at nógv hava spurt hann, hvat tað var, sum gekk galið. Hann sigur, at Búskaparráðið fylgdi vanligu mannagongdunum og metti við støði í tí, sum Fíggjarmálaráðið sjálvt hevur mett. So eru ymsar broytingar hendar í búskapinum, sum ráðið ikki kundi vitað um.

Spurdur, um Búskaparráðið ikki eigur at hava eins álítandi metingar fyri ársúrslitið hjá landinum, sum tær ið koma frá privatum keypsskálaskrásettum fyritøkum, sigur Johnny í Grótinum, at Búskaparráðið í fleiri ár hevur biðið Fíggjarmálaráðið játta pengar til betri amboð at meta um fíggjarligu gongdina.

Og hann leggur afturat, at Føroyar eru eitt lítið land, har ávísar vinnugreinar sláa hart út í bæði inntøkum og útreiðslum. Samanbera vit við eitt størri land við 5-10 milliónum íbúgvum, so fara føroyskar metingar altíð at hava stórar óvissur. Men tað hevði borið til at gjørt neyvari metingar, við betri amboðum.

Hoyr innslag í útvarpstíðindunum:

1799467

 

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486