Gentur við ADHD og autismu fáa fleiri sálarsjúkur enn dreingir

Gentur við ADHD og autismu fáa seinni hjálp og fleiri sálarsjúkur enn dreingir.

Hetta vísir gransking hjá Tórunn Ósá, námslektara og Ph.D-lesandi.

Hon vísir, at gentur við ADHD og autismu bíða longur eftir útgreining, og eru tí í størri vanda fyri at fáa strongdartengdar sálarsjúkum.

Tórunn Ósá hevur granskað sjúkradagbøkur hjá Landssjúkrahúsinum og Almannaverkinum hjá børnum, sum fingu staðfest ADHD, autismu ella bæði í barnapsykiatriini árini 2004 til 2022.

Úrslitið er greitt, at sein útgreining økir vandan fyri strongdartengdum sálarsjúkum. 

13 mánaðir seinni dreingir

Av 94 gentum við ADHD høvdu 26,6 prosent strongdartengda sálarsjúku. Av 190 dreingjum við ADHD høvdu 10 prosent strongdartengda sálarsjúku

Granskingin vísir, at gentur fáa staðfest ADHD 13 mánaðir seinni enn dreingir. 

Samstundis er bíðitíðin til barnapsykiatri tann longsta í føroyska heilsuverkinum.

Barnið, sum bíðaði longst, bíðaði í trý ár.

Eitt týdningarmesta úrslitið í granskingini hjá Tórunn Ósá er, at tess yngri børnini eru, tá tey fáa útgreining, onga ella færri sálarsjúkur hava tey.