Býráðslimir kæra borgarstjóran

Tróndur Sigurðsson og Kári Johansen, býráðslimir í Havn, ætla at kæra borgarstjóran til Kommunala eftirlitið.

Á býráðsfundinum hósdagin vildu teir hava í gerðabókina, at eitt mál kom ov seint á fundarskránna.

Teir siga eisini, at embætisførslan hjá borgarstjóranum er skeiv.

Hesi viðurskifti vera kærd til Kommunala eftirlitið, siga teir.

Málið er um lestrarheim.

Býráðið samtykti at brúka 9.000 fermetrar við Heygsvegin til lestrarheim, sum verður beint við ætlaða kampus.

Landið eigur lendið.

So samráðingar vera við landsstýrið um økið, sum landssjúkrahúsið brúkar.

Og byggisamtyktin skal broytast.