Sørvingar meistarar: Orð rukku ikki á Giljanesi

Við sigri á Mjølni vann SÍ sítt 6. føroyameistaraheiti, men sørvingar máttu stríðast til síðsta bólt á Giljanesi leygardagin.

Útiliðið, sum mátti vinna dystin, vann nevniliga tvey tey fyrstu settini, men SÍ-kvinnurnar reistu seg í stórum stíli og vunnu javnbrótaran eftir at tær høvdu javnað til 2-2 við tveimum settum á rað.

 - Eg havi tað fantastiskt beint nú. Orð kunnu ikki ordiliga beskriva tað, segði Henrikka Wang Jacobsen hjá SÍ, meðan Mjølnir-venjarin Boban Ilic rósti sínum spælarum og spælinum sum heild og mátti ásanna, at heimaliðið var hvassari í avgerandi løtunum.

Høllin á Giljanesi (seinna FM-finalan, Hotel Djurhuus-deildin)

SÍ - Mjølnir, 3-2 (26-28, 23-25, 25-20, 25-17, 15-12)