- Tíðindi, mentan og ítróttur
Dømdi maðurin fór aftur í varðhaldið
Dømdi maðurin fór aftur í varðhaldið
Dómurin í nevningatinginum er skotin inn fyri Landsrættin, men maðurin verður verandi í varðhaldinum, til málið kemur fyri har
Eitt samt nevningating í Føroya rætti dømdi í gjár ein mann fyri fyri at hava lopið á eina kvinnu við Sandá fyri umleið tveimum árum síðani.
26.03.2026 - 09:06
Maðurin, sum eitt samt nevningating í Føroya rætti í gjár dømdi fyri álopið á eina kvinnu á gøtuni við Sandá, fór aftur í varðhaldið eftir dómin.
Verjin hjá manninum skeyt alt fyri eitt dómin inn fyri Landsrættin.
Landsrætturin kemur til Føroya í juni og november.
Maðurin skal vera í varðhaldinum, til mál hansara verður viðgjørt í Landsrættinum.
200.000 kr. í endurgjaldi
Hann var tikin 28. apríl 2024 og hevur verið í varðhaldi síðani.
Maðurin er í varðhaldi í Danmark.
Hann var í gjár eisini dømdur at gjalda yvir 200.000 kr. í endurgjaldi fyri tort og mista arbeiðsinntøku.
Kravið var nógv størri enn tað.
Maðurin noktar seg sekan.
Er kopiera
Nýggjastu sendingar í ÚV
Nýggjastu sendingar í SV
