Bíligari bensin og diesel í Noregi

1. apríl lækka avgjøldini á bensini og dieseli í Noregi, so tað verður bíligari hjá brúkarunum.

Tillagingin er fyribils, og verður galdandi til 1. september. Tá er ætlanin, at avgjøldini aftur verða tey somu sum nú. 

Tað sigur norska stjórnin í tíðindaskrivi.

Væntað verður, at átakið fer at hava við sær, at inntøkurnar hjá landinum minka 3,3 milliardir norskar krónur, sum svara til 2,2 milliardir krónur í okkara peningi. 

Avgjaldið á bensini lækkar 4,41 norskar krónur fyri liturin, meðan avgjaldið á dieseli lækkar við 2,85 norskum krónum fyri liturin.

Svenska stjórnin avgjørdi í síðstu viku at seta eitt líknandi átak í gildi, tí oljuprísirnir eru hækkaðir í kjalarvørrinum av krígnum í Miðeystri.