Ivi um grundarlagið fyri vápnahvíldini

Síðani vápnahvíldin millum USA og Iran varð undirskrivað, hevur ivi verið um grundarlagið, sum hon byggir á.

Eftir vápnahvíldina hevur Ísrael framt umfatandi álop á Libanon, har í minsta lagi 254 fólk hava latið lív, sambært Libanon. 

Ísrael og USA siga, at Libanon hevur ongantíð verið fevnt av vápnahvíldini. Men Iran og Pakistan, sum hevur verið meklari í samráðingunum, eru ósamd um hesa útsøgnina.

Á sínum egna miðli hevur Donald Trump eisini funnist at The New York Times og CNN, sum hann sigur hava skrivað um eina "falska ætlan í 10 punktum", sum hann sigur ikki er partur av samráðingunum. 

Í ætlanini, sum amerikanskir miðlar hava skrivað um, varðveitir Iran sín rætt at ríka uran.

Fjølmiðlarnir vísa aftur, at tíðindini um ætlanina í 10 punktum eru skeiv.