Verji: Politiið avgreiðir ikki málini

Føroya rættur longdi fyrrapartin varðhaldsfongslingina fýra vikur, tí politiið er ikki liðugt við sínar kanningar.Tá hesar fýra vikurnar eru farnar, hevur maðurin verið hálvt ár í varðhaldi.

Ikki er loyvt at endurgeva tað, sum varð sagt á rættarfundinum í dag.

Jógvan Páll Lassen, verji hjá unga skuldsetta manninum, er alt annað enn nøgdur við úrskurðin hjá rættinum og longu varðhaldsfongslingarnar í Føroyum yvirhøvur.

Politiið er ikki so áhugað í at fáa rættargangslógina broytta, tá tað er til frama fyri onnur enn politiið sjálvt.

Og Jógvan Páll Lassen heldur eisini, at politiið brúkar ikki nóg nógva orku til at kanna málini og fáa tey avgreidd sum skjótast.