Grindaformenn bíða eftir fútanum

Framvegis er ógreitt, nær støða verður tikin til, um ákæra skal reisast í málinum um grindadrápið í Hvannasundi á sumri í 2024

Michael Boolsen, fúti, viðger framvegis málið um grindadrápið í Hvannasundi, har sýslumaður og grindamenn eru skuldsettir fyri brot á djóraverndarlógina.

Birita Matras Petersen

22.04.2026 - 13:06

Grindaformenn bíða eftir, at ákæruvaldið tekur støðu til, um ákæra verður reist í málinum um grindadrápið í Hvannasundi á sumri í 2024.

Djóraverndarfelagsskapurin Sea Shepherd Global meldaði sýslumannin og grindaformenn fyri grindadrápið, sum var útsett í fleiri tímar, tí bíðað var eftir fólki at koma norður at hjálpa til við grindini eftir kappróður á Norðoystevnu.

Sýslumaður og grindaformenn eru skuldsettir fyri at bróta lógina um djóravælferð. Og so leingi grindaformenninir eru skuldsettir í málinum, verður eingin grind hildin til í Norðoyggjum.

Framvegis er óvist, nær málið verður avgreitt, sigur Michael Boolsen, fúti.

Hoyr innslag í útvarpstíðindunum:

22042026_Futin_um_grindadrap

Hoyr eisini: Eingin grind í Norðoyggjum