Landsdjóralæknin: Eg bleiv kløkk

Fútin hoyrir ikki undir løgmanskrivstovuni, so eg veit ikki, hví hann ringir til John Rajani, sigur landsdjóralæknin um málið, har Bakkafrost varð meldað í 2021.

Tað er í sambandi við málið komið fram, at fútin ringdi til John Rajani og segði honum, at Heilsufrøðiliga Starvstovan hevði meldað Bakkafrost, og at talan var um eina bót, sum kundi koma upp ímóti 67 milliónum. 

Tað er ikki vanlig mannagongd, sigur Birna Mørkøre, landsdjóralækni.