Ikki fleiri ferðamál

Fleiri ferðamál enn tey 12, sum eru nú, eru ikki á skránni hjá Atlantic Airways.

Felagið strembar hinvegis eftir at styrkja verandi leiðir og fáa fleiri ferðafólk á teimum.

Í fjør flugu flogførini hjá Atlantic Airways 10.590 tímar.

Tøk orka verður framvegis brúkt til leiguflúgving, sigur felagið.

Tyrlurnar flugu 823 tímar í 2025. 

Ferðafólkini vóru 10.700.

Leiting og bjarging

62 ferðir var tyrla boðsend til leiting, bjarging og innanlendis sjúkraflutning. 

Skjótt var borið at. Tað tók í miðal níggju og hálvan minutt at fáa tyrluna á flog.

10 ára sáttmálin, sum tyrlutænastan hjá Atlantic Airways hevur við landsstýrið um tyrluflúgving og tilbúgving, fór úr gildi um ársskiftið.

Hann er tó longdur í eitt ár.

Og í ár vera samráðingar um nýggjan langtíðarsáttmála tiknar uppaftur, sigur Atlantic Airways.