Allir næmingar í skúlan við Løkin

Allir næmingar í framhaldsdeildini í Runavíkar kommunu skulu nú savnast á einum stað - í skúlanum við Løkin í Runavík.

8. floksnæmingar av Skála og úr Skálafirði hava síðani summarfrítíðina gingið í skúlanum við Løkin. Og næstu tvey árini er ætlanin at hinir næmingarnir í framhaldsdeildini í kommununi eisini skulu ganga í skúlanum við Løkin. 

- Hetta fer at hava við sær eitt størri næmingatal og harvið eitt størri úrval av vallærugreinum í framhaldsdeildini, skrivar Runavíkar kommuna í kunningarskrivi fyri jól.