Vestmanna kommuna ruddar upp eftir alivinnuni

Loyvdir frá 30-40 ára gomlum alivirksemi liggja enn og rekast í vøkru náttúruni Frammi við Vatn oman fyri Vestmanna, og tá hol var sett á rørslu- og trivnaðarvikuna, Rørslureikan, hjá kommununi í morgun, nýtti ovasta kommunala leiðslan saman við øðrum starvsfólkum høvið til at fara niðan at rudda.

Vinnufyritøkur áttu í felag at lagt pening til síðis at fíggja upprudding, tá onkur teirra fer á heysin, heldur Sára Jógvansdóttir, borgarstjóri. 

12 kilometrar av tunlum

Í sambandi við vatnbyrgingarnar hjá SEV blivu fimm tunlar uppá tilsamans okkurt um 12 kilometrar gravaðir og høgdir við handamegi í 1940-árunum. Borgarstjórin sigur, at tað ikki er óhugsandi, at onkur teirra kann latast upp fyri ferðafólki.