Hotel KG letur upp 1. juli

- Tað gongur væl, ella tað skal ganga, sigur Johannes Jensen, stjóri í Gist & Vist, sum ferr at reka Hotel KG í Klaksvík.

Ein rúgva av hondverkarum og starvsfólk eru í ferð við at gera hotellið klárt, sum skal taka ímóti teimum fyrstu gjaldandi gestunum 1. juli.

- Ætlanin er at hava eina upplatingarhátíðarløtu nakar dagar,  áðrenn hotellið letur upp, sigur Johannes Jensen.

Henning Larsen arkitektar hava teknað hotellið.

Hotellið hevur 83 kømur, har er ein kafe og matstova, ein fínari matstova til 55 fólk, ein veitsluhøll til umleið 300 sitandi gestir, og ein stórt vælveruøki.

Reiðaríið Christian í Grótinum byggir og eigur hotellið, men tað verður ikki upplýst, hvat endaligi kostnaðurin av hotellinum er.

Avtala er gjørd við Gist & Vist um at reka hotellið.

Lurta eftir samrøðuni við Johannes Jensen í Summarmorgni