Tyrlan boðsend tvær ferðir eftir útlendskum ferðafólkum

Tvær ferðir í gjár var tyrla hjá Atlantic Helicopters í Vágum eftir útlendskum ferðafólkum, sum fingu skaða, skrivar Vørn.

Klokkan tvey seinnapartin var tyrla send eftir einari kvinnu, sum fekk skaða við Trælanípuna.

Hon var flogin á Landssjúkrahúsið.

Lítlan tíma seinni vóru aftur boð eftir tyrlu.

Tá hevði ein maður fingið skaða oman fyri Gásadal. Tyrlan flutti hann oman til vegin.

Haðani fór hann við sjúkrabili til Landssjúkrahúsið.

Mánadagin var tyrla eftir útlendskari kvinnu, sum fekk skaða oman fyri Tjørnuvík.

Hon var flogin á Landssjúkrahúsið, skrivar Vørn.