Nýggj kunngerð um landbúnaðarstuðul

Í morgin kemur kunngerðin um landbúnaðarstuðul, sum Vinnumálaráðið hevur gjørt, í gildi. 

Stuðul kann latast einstaklingum, virkjum og feløgum.

Treytin er, at umsøkjarin er bókhaldsskyldugur, skrásettur at rinda meirvirðisgjald og hevur árligan umsetning oman fyri 50.000 kr. 

Sambært kunngerðini er til dømis stuðulin til mjólk í fyrsta flokki í mesta lagi eina krónu og fimm oyru fyri liturin.

Fyri seyðakjøt fæst í mesta lagi 20 kr. fyri kilo av feskum kjøti.

Annars verður stuðul latin til kálvar, neytakjøt, flogfenað, egg og avloysaraskipan hjá mjólkarbóndum

Stuðul verður eisini latin til grøði, so sum epli, røtur og kryddurtir.

Haraftrat koma hoyggj, føroysk ross, føroyskar gæs, føroyskar dunnur, seyðaskinn og ull.