Áminningarskipan um barnakoppsetingar kemur í august

Heilsustýrið er komið við nýggjari frágreiðingin um barnakoppsetingar. Talan er um fyrstu frágreiðingina av sínum slagi hjá Heilsustýrinum, sum hevur yvirtikið uppgávuna frá Landslæknanum. 

Frágreiðingin, sum millum annað vísir, at fleiri av barnakoppsetingunum verða givnar ov seint, byggir á eina hugburðskanning frá í fjør, har stívliga 5.300 foreldur luttóku. 

Í hugburðskanningini vóru fólk millum annað spurd, hvørja áskoðan tey høvdu til at brúka revsitiltøk móti foreldrum, sum ikki fylgja koppsetingartilmælunum frá heilsumyndugleikanum.

Ætlanin er tó ikki at brúka revsitiltøk móti foreldrum, sigur Noomi O. Gregersen, stjóri í Heilsustýrinum.

Hoyr innslagið úr tíðindunum: